Pelòt – Seria audiovisuau en occitan

Art’Òc

Objècte sociau: Crear, accompanhar, desvolopar tota produccion artistica occitana (cinèma, audiò, fòto, musica, …) e d’ajudar a la promocion de las creacions.

Intitulat deu projècte: Pelòt – Seria audiovisuau en occitan.

Presentacion: « N’ei pas hèit arren de mau, sinon préner aus mei rics çò qui mancava aus mei praubes » – declaracion balhada au jutge pendent lo son procès.

La seria que contarà l’istòria de Jean de Lamon, chafrat Pelòt, vadut en 1776 e mort 40 ans mei tard dens la prison de Tarba. Quan seré mensh gloriós lo personatge que çò que’n conta la soa legenda, lo hèit demora qu’aqueste Robin deus bòscs bigordan qu’ajudè, a la soa mòda, a’us qui n’avèn besonh, en s’opausar au regime en plaça portaire de misèria e de violéncia. Personatge complèxe, a l’encòp dur e violent, aimant e generós, qu’ei l’ainat d’ua fratria de 11 hrairs e sòrs, tots iniciats peu pair e mair a l’art deu brigandatge e deu larcimòni. La seria que contarà d’un punt de vista romanesc e dramatic l’istòria d’aqueth òmi singular e que’ns permeterà de descobrir la vita vitanta d’aqueras hemnas e d’aqueths òmis, au miei d’ua tempora escura de l’istòria, entre revolucion francesa, regne napoleonèr, guèrra d’Espanha, delinquéncia, praubèra e criminalitat.

Soma balhada per Ligams: 5 000 €.