Pòle Educatiu de Pau + Calandreta de Vilhèra

FEDERACION CALANDRETA

Objècte sociau: Sostien e promocion de l’ensenhament en/de la lenga occitana mercés a l’immersion lingüistica, au truvèrs de las Calandretas, establiments d’ensenhament laïcs e a gratis.

Intitulat deu projècte: Sostien e desvolopament deu hialat Calandreta sus l’aglomeracion paulina.

Descripcion: Lo desvolopament de las Calandretas sus l’aglomeracion paulina que permeterà de respóner a las demandas creishentas exprimidas o recensadas (escòla de Pau saturada, escolans sus lista d’atenta, locaus inadaptats de l’escòla de Masèras qui empacha lo son desvolopament desempuish annadas,…), e que permeterà d’ahortir los efectius deu collègi e puish de tribalhar sus un projècte de licèu. La Federacion Departamentau Calandreta qu’impulsa e que pòrta 2 projèctes importants qui hèn besonh d’un acompanhament e d’un sostien per çò qui pertòca l’engenheria e las finanças:

– La creacion deu Pòle Educatiu de Pau, qui va amassar la Calandreta de Pau, de Masèras e lo Collègi sus un sol endret. Aqueste pòle que permeterà d’arcuélher 70 a 100 escolans en mei.

– L’obertura d’ua Calandreta à Vilhèra en seteme de 2019 sus un site hicat a disposicion per la mairia de Vilhèra, qui arcuelherà tanben mantuas autas associacions de l’economia sociau e solidària locaus.

Atau, la transmission via l’ensenhament de la lenga nosta que tocaré mei d’escolans e dongas mei de familhas puish a que la màger part deus pairs deus calandrons aprenen eths tanben la lenga mercés a cors entaus adultes. Los projèctes que permeteràn dongas d’arribar a transméter la lenga a l’encòp aus mainatges e aus pairs.

Soma balhada per Ligams: 24 000 €.