Reedicion deu « Diccionari deu Biarnes e Gascon modèrnes » de Simin Palay

RECLAMS

Objècte sociau: Estudi e desvolopament de la lenga e cultura occitanas de Gasconha, estudi e vulgarisacion de l’istòria de Gasconha, proteccion deu son patrimoni architecturau e culturau.

Intitulat deu projècte: Reedicion deu « Diccionari deu Biarnés e Gascon modèrnes » de Simin Palay.

Descripcion: Lo Diccionari deu Biarnés e Gascon modèrnes, vertadèr tresaur lexicografic e etnografic qu’estó editat en 1910 e 1934. La darrèra publicacion qu’estó realizada peu CNRS en 1980 e despuish qu’ei, de facto, de mau trobar peu gran public. Equivalent gascon deu « Tresor dou Felibridge » de Frédéric Mistral, aqueth diccionari qu’ei de segur ua vertadèra riquessa en parlar de variacions lexicalas, expressions, arreproèrs, descripcions etnograficas e antropologicas (tradicions, hèstas, etc.). Mercés aus sons correspondents suu territori, Simin Palay que podó tornar transcríver, dab fòrça detalhs, los usatges geograficament atestats de la lenga mairana a saber parlars gascons dab lo biarnés causit com dialècte de referença. L’arrèst de l’edicion d’aqueth obratge d’ua gran valor patrimoniau qu’ei hèra prejudiciable autan plan tà la coneishença que tà la transmission de la lenga e de la cultura biarnesa e gascona, alavetz l’associacion Reclams qu’a decidit de remediar ad aquò.

Soma balhada per Ligams: 2 500 €.