CHANCAIRES
64270 SENT-PE-DE-LEREN
Objècte sociau : Promocion d’activitats culturaus en demiei rurau, de musicas e danças tradicionaus, creacions artisticas e de la hestejada « lo printemps de l’arribèra », transmission e organizacion de cors de lenga.
Projècte : Creacion de panèus ludics e educatius a l’entorn deu parc d’aprentissatge.
Descripcion : L’associacion qu’a apitat un parc entà favorisar l’iniciacion a la marcha sus las chancas. Los escolans que dispausan dab aquera estructura de bambós d’ua corredèra qui permet l’aprentissatge shens nat dangèr. Lo parc qu’ei un instrument d’interaccion e qui facilita la relacion entre formator e aprenent. L’associacion qu’ei desirosa de desvolopar un vertadèr utís pedagogic en hornir un detzenat de panèus inspirats de las bandas d’imatges. Cada element de 1 x 0.5 m que presentarà, en occitan, l’origina de las chancas com utís, lo lor emplec socioculturau, la lor implantacion hens lo monde. Que seràn hicats en plaça en seguir un scenari especiaument concebut per lo realizator de la BD. Aquera melioracion que permeterà de respóner a un besonh de coneishença exprimit per los escolans.
Soma atribuida per Ligams : 2 000 €.
