MENESTRÈRS GASCONS

46 Boulevard Alsace Lorraine – 64000 PAU

Objecte sociau : Practica e promocion de la cultura gascona en totas las soas fòrmas, organizacion e venta d’espèctacles.

Projècte : Libe-CD taus mainats « Lo trin de la dança ».

Presentacion : Creacion d’un libe-CD de danças taus mainats de dus ans enlà, sus lo tèma deu trin e deu viatge de manèra mei larga. Aqueth utís, qui n’existeish pas actuaument, que respon aus navèths besonhs pedagogics de las familhas e de las ninoèras, escòlas, centres de lesers. Que permeterà de’s familiarizar e de desvolopar l’improvizacion, lo saunei, l’imaginacion, l’aprentissatge de l’escota, deus ritmes complèxes, deus ambients, shens desbrombar la dança com vector de ligam sociau. Lo CD qui acompanha lo libe en occitan que comportarà comptinas e cantas particularament adaptadas aus mainats : cantas enumerativas, colors, onomatopèas, partidas deus còs uman, etc… Per lo son tratament grafic, lo libe que serà un utís mei tà caminar en aqueth univers imaginari e oniric. Lo repertòri (interpretat per flabutas, tamborins, un tuba, ua mandòlina, un acordeon, etc.) qu’ei compausat per la màger part de creacions (rondèus, pòlcas, saut biarnés,…) e de danças tradicionaus arrevisitadas (Jan Petit, Peiroton, Dança de l’escoba, Pedro Gil aragonés,…).

Soma atribuida per Ligams : 2 500 €.