Pelòt – Seria audiovisuau en occitan

Art’Òc

18 impasse du centre d’accueil – 64410 ARZAC

Objècte sociau : Crear, acompanhar, desvolopar tota produccion artistica occitana (cinemà, audio, fòto, musica, …) e ajudar a la promocion de las creacions.

Projècte : Pelòt – Seria audiovisuau en occitan.

Presentacion : « N’èi pas hèit arren de mau, sinon préner aus mei rics çò qui mancava aus mei praubes » – declaracion hèita au jutge pendent lo son procès.

La seria que contarà l’istòria de Jean de Lamon, dit Pelòt, vadut en 1776 e mort a 40 ans mei tard dens la preson de Tarbas. Quitament si lo personatge ei mensh gloriós que çò que’n conta la legenda, aqueste Robin deus bòscs bigordan qu’ajudè, a la soa mòda, los qui n’avèn besonh, en s’opausar au regime en plaça, portaire de misèria e de violéncia. Personatge complèxe, a l’encòp dur e violent, aimant e generós, qu’ei l’ainat d’ua fratria de 11 hrairs e sòrs, tots iniciats per pair e mair a l’art deu brigandatge e deu larcimòni. La seria que contarà d’un punt de vista romanesc e dramatic l’istòria d’aqueth òmi singular e que permeterà de descobrir la vita vitanta d’aqueths òmis e hemnas, au miei d’ua temporada escura de l’istòria, entre revolucion francesa, regne napoleonian, guèrra d’Espanha, delinquéncia, praubèra e criminalitat.

Soma atribuida per Ligams : 5 000 €.

Art'Òc - Conférence de presse projets La Passem 2018