RECLAMS

5 clos de la Serre – 64800 MIRAPEISH

Objècte sociau : Estudi e desvolopament de la lenga e cultura occitanas de Gasconha, estudi e vulgarizacion de l’istòria de Gasconha, proteccion deu patrimoni architecturau e culturau.

Projècte : Reedicion deu « Diccionari deu Biarnés e Gascon modèrnes » de Simin Palay.

Descripcion : Lo Diccionari deu Biarnés e Gascon modèrnes, vertadèr tresaur lexicografic e etnografic qu’estó editat en 1910 e 1934. La darrèra publicacion qu’estó realizada per lo CNRS en 1980 et despuish lavetz ne’u podem pas mei trobar. Equivalent gascon deu « Tresor dou Felibridge » de Frédéric Mistral, aqueth diccionari qu’ei de segur ua vertadèra riquessa de variacions lexicaus, expressions, arreproèrs, descripcions etnograficas e antropologicas (tradicions, hèstas, etc.). Mercés aus sons correspondents suu territori, Simin Palay que podó tornar transcríver, dab fòrça detalhs, los usatges geograficament atestats de la lenga mairana a saber losparlars gascons dab lo biarnés causit com dialecte de referéncia. L’arrèst de l’edicion d’aqueth obratge d’ua gran valor patrimoniau qu’èra hèra prejudiciable autan plan tà la coneishença que tà la transmission de la lenga e de la cultura biarnesa e gascona. Alavetz l’associacion Reclams qu’a decidit d’i remediar.

Soma atribuida per Ligams : 2 500 €.