Participar

Tot cadun, que sii enterpresa, institucion, associacion o particular que pòt finançar la corruda de mantuas faiçons en foncion deus sons mejans :

En crompar quilomètres

Lo principi : los portadors deu testimòni que representan l'enterpresa , l'associacion, l'institucion o lo grop de personas qui an crompat un o mei d'un quilomètres. Aqueth quilomètre que costa au minimum 100€. De seteme 2017 enlà dinc a ua setmana abans la manifestacion, aqueths collectius que seràn sollicitats tà la crompa d'un o de mei d'un quilomètres.

En córrer

Tà córrer n'ei pas obligatòri de crompar quilomètres. Tots que pòden participar librament a la corruda.

Cada corredor que pòt sostiéner LA PASSEM ! per l'acquisicion d'un dorsau en venta libra aus deferents lòcs deu passatge de la corruda.

En ajudar a l'organizacion de la manifestacion

  • En har un don : tot particular o enterpresa que pòt sostiéner financiarament aquera manifestacion en har un don (deductible deus impòsts) a l'associacion LIGAMS
  • En subvencionar l'associacion Ligams, organizatora de LA PASSEM ! (tà las collectivitats territoriaus)
  • En s'emplicar dens l'organizacion : contactar ligamsligams@gmail.com
  • En nse juntar au perhons de l'associacion Ligams
  • En prepausar o participar a manifestacions suu diferents lòcs deu passatge de la corruda (particulars, associacions, collectivitats).

Atau, cada ciutatan deu noste territòri que serà l'actor de LA PASSEM !

Vosautes, particulars : en córrer e har córrer l'informacion ad arron e suus hialats sociaus.

Vosautas, collectivitats locaus : en subvencionar l'associacion Ligams, organizatora de LA PASSEM !, en har mei aisit lo passatge de LA PASSEM ! e en iniciar o organizar manifestacions hestius e culturaus suu son passatge.

Vosautes, enterpresas o comèrcis : en pairinar LA PASSEM !, peu biais deu mecenat, en finançar un o mei d'un quilomètres, e/o en vàder donator auprès de l'associacion Ligams.

Vosautas, associacions : associacions : en mobilizar tots los vòstes aderents entà estar numerós tà córrer au passatge de LA PASSEM !, en finançar un o mei d'un quilomètres, en iniciar e organizar manifestacions hestius e culturaus suu son passatge.