Aquera annada Ligams, organizatritz de la Passem Gasconha que recebè « Ar Redadeg » (bretons), « Aek Korrika »(Vascos), « La « Passem Tarn » e e la futura « Passem Hérault » dins los locaus de la Ciutat a Pau.
Aquera reünion qu’a permetut a las organizacions de confrontar lo lor bilanç de las corsas de 2025 e 2026 e d’escambiar sus las faiçons diferentas d’abordar la preparacion e l’organizacion en foncion de la particularitat deus territòris e l’importància de cada corsa.
L’encontre de las corsas sòrs qu’ei l’escadença de coordinar las diferentas qu’editàvam entà evitar lo cavaucament de las datas e méter en comun daubuas particularitats qui’s retròban dens cada territòri, que ce sia deus aspèctes tecnics com l’organizacion deu cortègi e la soa securitat o las estrategias de comunicacion e de lhevada de hons…
Cèrtas enter la Korrika, las soas centenas de milèrs de participants, los sons 3 147 passatges de testimòni, la soa equipa organizatritz professionau e la Passem Tarn qui’s debana sus tres dias en corrent 300km que sembla i aver un monde mes au finau lo constat qu’ei implacable, los bascos, los bretons o los occitans qu’ei plan la medisha motivacion qui anima lo monde de las corsas entà las lengas : Portar e deféner lo dret de víver e parlar las nostas lengas a l’entorn d’un eveniment popular, esportiu, hestiu en mostrant que las nostas lengas e las nostas culturas que son vivas e qu’ei urgent d’espandir e ahortir la mobilizacion entà los sostiéner.
